Larunbata, urriak 1
09:00
Hegaztien eraztunketaren jardunaldi irekia egingo dute zapatuan Getxon
Bolue Hezegunean, Getxo | BestelakoakBolueko Hezeguneko Esfortzu Konstanteko Eraztunketa-Guneak bere ateak zabalduko ditu jendearentzat zapatuan, urriak 1, Hegaztien Mundu Eguna ospatzeko. Getxoko Udalaren Ingurumen Arloak antolatuta, "Getxonatura, ezagutu eta zaindu ezazu" zikloaren barruan, helburua da hezegunearen hegazti-fauna, haren problematika eta egiten diren jarduerak ezagutaraztea. Jardunaldian, hegaztiei eraztuna ipintzeko ohiko ekintza zientifikoa gauzatuko da, 09:00etatik 12:30era, beti ere eguraldi ona egiten badu, euria edo haize gogorra egitekotan bertan behera utziko baitute, arriskutsua delako hegaztien segurtasunerako.
10:0020:00
Munduko Landareen VI. Azoka
Leioako campuseko Arboretumean, Erandio Leioa | AzokakUrriaren 1ean eta 2an bost kontinenteetako zuhaitz, lora eta landareak miretsi eta erosteko aukera egongo da Euskal Herriko Unibertsitateko Leioako campuseko Arboretumean. Guztira, 40 erakusketarik beren bildumak aurkeztuko dituzte interes botaniko handia duen gune horretan.
