Auzo horietan egin gura dituzten HAPOren aldaketa puntualen egungo egoera ezagutzera emateko bilera irekia egingo dute hurrengo otsailaren 6an, 19:00etan, Lamiakoko nagusien etxean. Besteak beste, metroaren lurperatzea, auzoaren masifikazioa, auzoko zerbitzuak edo aurreikusitako hirigintza proiektuen inguruan dauden berritasunak azalduko dizkiete bertaratzen direnei. Lamiakoko hezegunearen egoera eta etorkizunari buruz ere arituko dira, besteak beste.
Otsailetik apirilera 10 sesio egingo dituzte antsietatea kudeatzen ikasteko Urdulizko Kultur Etxean, martitzenero, 16:45etik 19:45era. Antsietatea edo depresioa jasaten duten emakumeei zuzenduta dago, baita zeharka egoera hori bizi duten senitartekoei ere. Hala, izen-ematea otsailaren 5era arte eman daiteke prebentzioa@uribekosta.eus helbidean edota 688 699 454 eta 946 859 611 zenbakietan. Helburua da emakumeen bizitzan ondo sentiarazten dituzten faktoreak eraikitzen laguntzea, hala nola autonomia osasun mentalaren kudeaketan eta autozaintza eta ahalduntzea sustatzea psikofarmakoen erabileraren ordez.
Bizkaiko golkoan hondoratuta dauden hainbat itsasontziri urpekariek ateratako argazkien bilduma ikusgarria.