Larunbata, maiatzak 4

20:00

Euphonia hirukotearen kontzertua ekarriko du zapatuan AMOMA elkarteak

Algortako Merklin Organoaren Lagunak-AMOMA Elkarteak, bere ohiko egitarauaren barruan, Euphonia hirukotearen kontzertua antolatu du; flautaz, bonbardinoz eta organoz osatutako hirukotearen kontzertua maiatzaren 4an, zapatuan, izango da, 20:00etan, Algortako San Nikolas Barikoa parrokian eta sarrera doakoa izango da.

10:00

Felix Lararen erakusketa: "Momentos VI"

Felix Larekiren “Momentos VI” erakusketa hogeita sei lanek osatzen dute. Hiri-pintura, argia eta inguruko kontrasteak eta itsasoaren edertasuna dira erakusketa honen hiru zio nagusiak, eta asmoa du egilearen obraren lan adierazgarrienen aukeraketa bat erakustea bisitariari. Felix Larekik, artista sor­tzaile eta polifazetikoak, bere “Realismo expresionista” obraren aukeraketa bat erakusten du “Momentos VI” lanean, eta nagusiki naturarekiko, espazio irekiekiko eta itsasoarekiko maitasuna islatzen du. Kutsu hiperrealista nabarmena dute hiri-pinturako paisaia batzuk.

21:00

Getxo Eszena Kalean aire zabaleko programazioari hasiera emango diote zapatuan, Areetan

Udaberri bete-betean gaudela, eguraldi ona aprobetxatuta, aire zabaleko arte eszenikoen programazioari hasiera emango diote zapatuan, hilaren 4an, Getxon. Hala, aste honetatik aurrera, eta urriaren amaiera bitartean, adin guztiei zuzendutako antzerki, dantza, zirku eta askotariko generoez gozatzeko aukera egongo da Areetako Xake plazako anfiteatro berrian. Zapatu honetan Cía Maite Guevararen Susto zirku-clown saioa egongo da gozagai, 21:00etatik aurrera.