Larunbata, azaroak 23

07:30

12:20

Mikologia irteera egingo dute Gorlizko herritarrek azaroaren 23an

Murgiara joango dira herritarrak azaroaren 23an, zapatuan, egingo duten irteera mikologikoaz gozatzera. Hala, 07:30ean geldituko dira Itsasbide 30 kokalekuan. Izen emateak Gorlizko turismo bulegoan egin behar dira, 946 774 348 edo 688 818 876 telefonoetara deituz.

10:00

13:00

Uribe Kostako Emakumeen XV. Topaketa egingo dute azaroaren 23an

Datorren azaroaren 23an, Urdulizko Inola Emakumeen Etxeak Uribe Kostako Emakumeen XV. Topaketa hartuko du. Gogoetarako eta eztabaidarako gunea da, eta aurten "Ahots batuak, egindako bidea, etorkizuneko erronkak" lelopean garatuko da. Uribe Kostako Emakumeen Kontseiluak antolatuta, ekitaldiak Uribe Kostako Mankomunitatearen eta Urdulizko Udalaren laguntza eta finantziazioa du.

12:00

Ipuin kontaketa eta sorkuntza tailerra

Natalia Romoren eskutik ipuin kontaketak: "Mundu" euskaraz eta "El viaje de Enara" gazteleraz Esti Agirreren eskutik sorkuntza tailerra, euskaraz

17:30

Zinema: "Buffalo kids"

Tom eta Mary, bi anaia umezurtz, New Yorken lehorreratu ziren XIX. mendearen amaieran. Osabarekin elkartzeko, Mendebalde Basatia zeharkatzeko tren batean polizoi gisa abenturatuko dira, eta Nick ezagutuko dute, beren bizitzak betirako aldatuko dituen lagun berri eta aparta. Elkarrekin bidaia arriskutsu batean murgilduko dira, bilau gaiztoei aurre eginez, ustekabeko lagunak eginez eta egoera paregabeak biziz.

18:30

Berdintasunaren aldeko jarduerak eta jolasak antolatu ditu Barrikako ludotekak egunotarako

Barrikako ludotekak genero berdintasunera bideratu gura ditu herriko txikientzako jarduerak azaroan, emakumeari, berdintasunari eta errespetuari buruzko eta emakumeenganako indarkeriaren aurkako tailerren bidez. Jarduera guztiak barikuetan izango dira, 18:00etan, eta lehenengoa bihar izango da, udal-liburutegian.

19:00

Zinemarik onena bueltan da Getxora

Bueltan da Getxoko Zine Zikloen denboraldi berria. Joan den azaroaren 1ean abiatu zuten Zine Kluba, eta gaur, eguenean, hasiko dira Zinemabarriko proiekzioak. Ohikoa denez, lehenengo zikloa barikuetan izango da, Areetako Andres Isasi Musika Eskolako auditorioan. Aurten ordutegi berria izango da, proiekzioak ohi baino ordu erdi lehenago izango direla, 20:30ean, hain zuzen ere.

20:30

XI. Iparra Galdu Gabe Jardunaldiak

Iparra Galdu Gabe Jardunaldien XI. edizioak askotariko jarduerak ekarriko ditu Getxora azaroan, hala nola Estitxu-ri, Maite Idirini eta Lurdes Iriondori omenaldia eta Errobiren 50. urteurrenaren kontzertu berezia.