Larunbata, irailak 6

10:00

Euskal Jaia helduko da aste-akabu honetan Sopelara!

Abuztua atzean utzita, Euskal Jaiak Sopela hartuko du aste-akabu honetan. Zapatuan, irailaren 6an, Nekazal Azoka handia egingo dute udaletxeko plazan, eta goizean zehar, Barinatxe txistu taldearen kalejiraz gozatuko dute sopeloztarrek herriko kaleetan zehar. Domekan, irailaren 7an, Artisautza azoka egingo dute udaletxearen inguruan. Ikusi egitarau osoa, hemen!

18:30

Ondizko jaiak

Barikuan abiatuko dituzte Leioako Ondiz auzoko festak, eta irailaren 5etik 9ra hartuko du jaien egitarauak. Egun horietarako hainbat jarduera prestatu dituzte, tartean, oso ezagunak diren makailao eta aurresku txapelketak. Horregaz batera, domekan waterpolo Eguna ere izango dute. 

18:45

Urdulizko jaien azken txanpa!

Urdulizko Andra Mariko jaiak dira udako azkenetariko festak, hortaz, gelditzen diren energiakaz herritarrek agur esango diote festa garaiari. Hementxe behin-behineko egitaraua.

19:00

Enekuriko jaiak

Irailaren 5tik 7ra bitartean Enekuri auzoko jaiak ospatuko dituzte Erandion. Egun horietan ume zein helduentzako hainbat jarduera antolatuko dituzte; ez dira faltako ohiko ikuskizunak eta lehiaketak, hala nola paella-txapelketa edo kontzertuak. Hemen duzue egun horietarako prestatu duten egitaraua. 

20:00

39. Habanera jaialdia

Getxok berriro ere habaneren eta itsas abestien doinuak hartuko ditu. Irailaren 4tik 7ra, Muxikebarrin ospatuko dute 39. Habanera eta Itsas Abesti Jaialdia, euskal kostaldean tradizio luzea duen ekitaldi kulturala.