Icaza jauregiaren trukearen kontrako salaketa jarri du Berango Lurraren Defentsak taldeak

Moreaga parkean lekututa dago Icaza jauregia, eta bertan kultur azpiegitura bat garatu gura du Udalak.

Berango Lurraren Defentsa taldeak salaketa jarri du Berangoko Udalak eta Inmogroup enpresa-eraikitzaileak Icaza jauregiari lotutako permuta legez kanpokoa delakoan. Ekintzaileek jakinarazi dutenez, Bilboko Administrazioarekiko Auzien 5 zenbakiko epaitegiak onartu du tramiterako salaketa.

Berango Lurraren Defentsan taldeak ohar baten bidez zabaldu duenez, aurretik ere akordio horren aurkako alegazioak aurkeztu zituzten, baina, horiek ez zirenez onartu, epaitegietara jotzea erabaki dute, "gure ustez legez kanpoko zantzu argiak baititu akordio horrek".

Salatzaileek azaldu dutenaren arabera, Icaza jauregia Sistema Orokorra bezala izendatuta dago, eta, ondorioz, "Udalak hori eskuratzeko dituen bideak dohainik eskuratzea da birkalifikatu edo birpartzelatzen denean, edo desjabetzea, diruz ordainduta. Hau da, ezin duela trukea bidez eskuratu".

Horri lotuta, gainera, AS-2 sektorearen plan bereziaren memorian "irregulartasun zantzu sendoa" dagoela deitoratu dute ekintzaileek. Zabaldu dutenez, 'Kudeaketa Sistema' atala, azpiegitura hori nola eskuratzen den azaldu behar duen tokian, aurkibidean agertzen da, "baina dokumentuan ez".

Salaketa horren bidez, Berango Lurraren Defentsak taldeak azpimarratu du udalerriaren "interesak defendatu" gura dituela, "gure ustez, akordio honek Amenabar (Inmogroup enpresaren jabea) taldearen interesak asetzen ditu, Berangoko auzokideon interesen kaltetan".

Hori dela eta, epaiketa-gastuei aurre egiteko laguntza eskatu dute talde ekologistakoek. Horretarako, elkartasun zozketa bat antolatuko dutela iragarri dute.

Erlazionatuak

Icaza jauregiaren jabetza eskuratuko du Berangoko Udalak

Berango

Moreaga parkean dagoen Icaza jauregiaren jabetza eskuratzeko hitzarmena onetsi du Berangoko Udalak. Hala, permuta baten bidez, Udalak Otxabene sekt...
Berangoko Udalak Icaza jauregiaren jabetza eskuratzeko egindako akordioa deitoratu dute hainbat herritarrek

Berango

Inmogroup Grupo Promociones Inmobiliarias S.A.-ren eta Berangoko Udalaren artean higiezinak trukatzeko hitzarmen proiektua deitoratzeko herri-biler...
Icaza jauregiaren jabetza baieztatu du Udalak Berango Lurraren Defentsan taldeak jarritako helegitea baztertu ondoren

Berango

Duela urte bi Amenabar etxegintza-enpresaren parte den Inmogroup Grupo Promociones Inmobiliarias S.A.-ren eta Berangoko Udalaren artean higiezinak ...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun