Alconzako langile biren kontrako epaiketa atzeratu egin da

Grebaren lehen egunetan tentsio uneak bizi izan ziren langileen eta bertaratutako ertzainen artean.

Bost hilabetez greban aritu ziren Alconza enpresako behargin bi epaitu behar zituzten gaur, irailak 20; hala ere, LAB sindikatuak jakinarazi duenez, prozesua atzeratu egin da, "data berri baten esperoan". Sindikatu horrek salatu duenez, "enplegua eta langileon eskubideak defendatzeagatik" epaituko dituzte. Halaber, deitoratu du greban ari zirela Ertzaintzaren identifikazioak, salaketak eta neurrigabeko biolentzia pairatu zituztela, "eta, orain, atal judiziala, jazarpen horren azken kapitulua".

Sindikatuko ordezkariek gogor salatu gura izan dituzte epaiketak eta elkartasun osoa adierazi diete langileei. Gaineratu dutenez, "argi eta garbi adierazi nahi dugu, enplegu suntsiketa eta langileon eskubideen urraketen aurrean parean izango gaituztela". Epaiketa 13:30ean izan behar zen, Getxoko epaitegietan.

 

Erlazionatuak

Ertzaintza Alconzako grebalarien kontra oldartu da

Berango

Gaur, astelehena, 57 egun bete dituzte greba mugagabean Alconzako beharginek, euren lanpostuen defentsan. Gaur ere, Irizar Taldeak lantegi berangoz...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun