Zabaldutako ohar batean Udalak salatu duenez, astelehenean kendu zituzten hesiak, eta gune horretan landatutako zuhaitzak "bandalizatu" zituztela deitoratu du, "izan ere, zuhaitzei eusteko erabiltzen diren zurkaitzak kaltetu egin dira".
Ildo horretan, azpimarratu du "onargarria" dela jarduketa horregaz ados ez egotea, "nahiz eta herritar askok eskatu eta txalotu duten", sare sozialetako mezuan zabaldu duenez.
Parkingaren kontra egin duen taldeetako bat da Lantzarte Bizirik auzokideen elkartea, eta horrek berak salatu du zelaiko zuhaitzen kontrako erasoa: "Zuhaitzen kontrako eraso guztiak gaitzesten ditugu. Bai landatu berrien aurka, bai abuztuan parking antidemokratiko eta antiekologista hau eraikitzeko Udalak moztu zituenen aurka".
