Algortan euskaraz bizitzeko erronka sustatu duten kideek positibotzat baloratu dute lortutakoa. Diotenez, euskara herriaren ardatza izatea nahi bada, hiztunon konpromisoa "irmoa" izan behar da. Aitortu dute ariketa zaila izan daitekeela hainbatetan, oztopoak oztopo, inguruotan normalizatuta ez dagoen hizkuntza delako euskara. Hori dela eta, egoerari buelta eman eta hizkuntzarekiko konpromisoari heltzea aldarrikatu dute.