Bizkaiko Fiskaltzak hiru hileko espetxe-zigorra eskatu du abeltzainaren aurka, animaliakaz lan egiteko urte beteko inhabilitazioagaz batera, Eldiarionorte.es komunikabide digitalak zabaldutako akusazio-idazkiaren arabera. Ministerio publikoaren ustez, 2014ko gertaera "animaliekiko tratu-txar" kasua da, idien jabeak "hainbat anfetamina" eman zielakoan, "irabazteko asmo bakarragaz". Ikerketa-emaitzen arabera, abereak agonia-egoeran hil ziren, drogak eragin omen zizkielako "itolarria, erabateko akidura", masailezurren gura gabeko mugimenduak, "ataxia eta muskulu-minak". Epaiketa laster hasiko omen da, baina data ez dago zehaztuta.
Fiskaltzak espetxe-zigorra eskatu du Erandiogoikoan hil ziren idien jabearentzat
Orain dela bi urte, idi bi hil ziren Erandiogoikoan, Andra Mari jaietako idi-proban lehiatzen zuten bitartean. Bizkaiko Foru Aldundiak nekropsiak egin zizkien animalien hilotzei eta "anfetaminekin dopatzeagatik hil zirela" ondorioztatu zuen. Horren harira, zigor-espedientea zabaltzeko hainbat urrats eman zuen Aldundiak. Bide horretatik, arau-hauste birengatik 1.500 eta 15.000 euro bitarteko isun bi jaso litzake abeltzainak. Orain, Fiskaltzak espetxe-zigorra eskatu du idien jabearentzat.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun