Sinadurak batzeko kanpaina horrek martxoaren 25erarte iraungo du eta ekimen bi izango ditu. Alde batetik, Altzagako askotariko merkataritza-establezimenduetan fotokopiak utziko dituzte; eta bestetik, aste-akabuetan karpa bat ipiniko dute metroko plazan edo Jado eta Ibarra kaleetan, egunaren arabera.
Iniziatiba horregaz, Udalaren eta Azpiegiturak sozietate publikoaren arteko hitzarmenaren kontrako mobilizazioetan pauso berri bat eman du Tartanga Berdeak. Udalbatzarrean adostu zuten hitzarmen hori eta Altzagako eremu horretan operazio urbanistiko handi bat egitea adostu zuten, duela hamar bat urte Abaroa enpresak egindako obra batek kaltetutako etxadi biak eraitsi eta berreraikitzearen ordainetan.
