Ekonomia  Erandio 2018-03-22 17:28

Udaletxe aurrean elkarretaratzea egin dute Erandioko kiroldegietako grebalariek

Bi Sport enpresako langileek 120 egun baino gehiago bete dituzte greba mugagabean. Hori dela eta, elkarretaratzea egin dute Erandioko udaletxeko plazan. Osoko bilkuran hitza hartzen ere ahalegindu dira, baina ez dute lortu.

Udaletxe aurrean elkarretaratzea egin dute Erandioko kiroldegietako grebalariek
Gaurko mobilizazioko une bat. | Ikusi handiago | Argazki originala

Bi Sport enpresak Erandio eta Astrabuduko kiroldegietan kirol-jarduerak eta zerbitzuak eskaintzen ditu adjudikazio baten bitartez. Langileek lau hilabete baino gehiago daramatzate greba mugagabean, enpresagaz lan-baldintzak hobetzeko hitzarmen bat lortu nahian.

Hilabete honetan, kiroldegietako grebalariek oinezko martxa bi antolatu dituzte: joan den hilaren 4an, Astrabuduko Josu Murueta plazatik Bilboko Areatzara; eta hilaren 11n, Astrabudutik Altzagara, ehunka herritarrez inguratuta. Gainera, egunero elkartzen dira udaletxe aurrean, ordu erdiz.

Langileek herritarrei elkartasuna eskatu diete. Elkarretaratzean ahalik eta pertsona gehien batzeko eta “zarata egiteko” etxetik lapikoak eroateko dei egin diete herritarrei.

Gaurko mobilizazioaren argazki-galeria:

Erandioko kiroldegietako greba, martxoak 22

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa