cables y alambres

Cemvisa enpresaren bulegoak okupatu dituzte, akzioak "lapurtu" dizkietela salatzeko

Cables y Alambresen itxieraren aurka urrian Erandion egindako manifestazioa. HODEI TORRES

Cables y Alambres enpresako gaur egungo eta jubilatutako hainbat langile Cemvisa enpresako bulegoetan sartu dira gaur, Vicinay taldeak akzioen erosketagatik zor dien milioi erdi euro ordaindu ez izana salatzeko. Ordainketa Cemvisaren bitartez egin behar zuten hain zuzen ere.   

LAB sindikatuak azaldu duenez, Vicinay Taldeak 2015ean Cables y Alambres bereganatu zuenean, enpresaren akzioak erosi zizkien ordura arte hainen ugazabak ziren beharginei. Cemvisaren bidez egi zuten erosketak, hau da, Vicinayrena den beste enpresa baten bidez. Ordainketa hainbat alditan egitekoa zen, eta azken epea aurtengo abenduaren 15ean bete da.

Sindikatuak salatu du "Vicinayk erabaki duela akzioak ez ordaintzera eta, horretarako, hartzekodunen lehiaketa eskatu duela Cemvisa enpresan". Hala, Cables y Alambreseko 123 langileri Vicinayk milioi erdi euro zor diela azaldu dute, "abuztutik ordaindu ez dituzten soldata guztiez gain".

"Gogoratu beharra dago Vicinay Taldeak hartzekodunen lehiaketa eskatu zuela Cables y Alambres enpresan, irailean, Santiago Babio Martinez Osaba eta Guillermo Hormaechea zuzendaritzako kideek lantegia utzi zutenean, taldearen beste enpresa garrantzitsu batzuetan ardura-postuak hartzeko", gaineratu du LABek. Harrezkeroztik langileak dabiltza ekoizpena kudeatzen, Administrazio Konkurtsalagaz batera.

Erlazionatuak

Cables y Alambres enpresaren hustuketa geldiarazi dute langileek

Erandio

Azken lau urteetan Cables y Alambresen ugazaba izan den Vicinay multinazionalak lehiaketara atera du Erandioko enpresa. Fabrika husten hastekoak zi...
Cables y Alambres ez ixteko eskatu dute Erandion egindako manifestazio jendetsuan

Erandio

Cables y Alambres enpresaren geroa ziurtatzeko eskatuz ehunka eta ehunka lagun bildu ziren atzo arrastian Erandioko Altzaga auzoan egindako manifes...