Erandioko Cables y Alambres enpresaren orubean "hirigintza pelotazo berria" egin gura dutela ohartarazi du EH Bilduk

Cables y Alambres enpresa hartzekodunen lehiaketan sartu zen 2019an.

Cables y Alambres enpresaren likidazio-prozesua "beste hirigintza-proiektu bat zuritzeko" baliatu gura dutela salatu du Erandioko koalizio abertzaleak. Diotenez, 8,5 milioi eurogatik saldu gura dute orubea etxebizitzak eraikitzeko proiektu baterako, horrek enpresak utzitako zorra ordaintzeko balioko omen luke.

Cables y Alambres enpresaren ugazaba den Vicinay talde multinazionala Erandioko Udalagaz ari da negoziatzen lantegiko lurrak saltzeko asmoagaz. Horren bitartez, etxebizitza-proiektu bat gauzatu gura dute, langileakaz eta hornitzaileakaz duten zorra ordaindu ahal izateko. Erandioko EH Bilduko zinegotziek azaldu dutenez, lurzoruaren salmenta-prezioa 8,5 milioi euroko izango litzateke, 400 etxebizitza eraikitzeko aukeragaz.

Koalizio abertzaleko kideak zalantzak azaldu dituzte proiektu horren bideragarritasunaren inguruan, eta adierazi dutenez, "momentuz ez dagoela ezer garbirik". Gainera, ez daude ziur langileakaz duten hiru milioi euro inguruko zorra ordainduko dietenik, "proiektuak hainbat baldintza bete beharko lituzkeelako, besteak beste, lurren deskontaminazioa eta lurraren erabilerari buruzko arauak bete".

Era berean, deitoratu dute Erandion enpresek sortzen dituzten arazoak etxebizitzak eraikiz konpontzen dituela Udalak; Tartangako berdeguneko proiektua horren adibide argia dela deitoratu dute. Azaldu dutenez, Erandiok 15 urte daramatza HAPO bat gabe, "eta horri esker hainbat etxebizitza egin dituzte inolako planifikaziorik gabe".

Erlazionatuak

Cables y Alambres enpresako langileek Vicinay taldeak gelditutako jarduerari ekin diote berriro

Erandio

Cables y Alambres enpresako langileek, lantegiaren atarian 25 egunez kanpatuta egon ostean zuzendaritzak materiala atera ez zezan, kanpalekua altxa...
Cables y Alambres enpresaren hustuketa geldiarazi dute langileek

Erandio

Azken lau urteetan Cables y Alambresen ugazaba izan den Vicinay multinazionalak lehiaketara atera du Erandioko enpresa. Fabrika husten hastekoak zi...
Tartanga berdegunea babesteko borroka jarraitzeko asmo irmoa adierazi dute

Erandio

Zapatuan, hainbat auzotarrek babesa eman zioten Altzaga auzoko berdegunea babesteko ekimenari II. Tartanga Berdea Egunean parte hartuz. Antolatzail...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun