Olibanek 42 urte ditu, Politika eta Administrazio Zientzietan eta Merkatuko Ikerketa eta Tekniketan lizentziatua da, eta Demokrazia Parte-hartzailearen Dinamizazio eta Tekniketan graduondokoa du. 2019tik alkatea izateaz gain, udalbatzako zinegotzi ere izan zen 2003 eta 2011 urteen artean. Horretaz gain, Udal Batzordean eta BBBn ere hainbat barne-kargu izan ditu.
Alderdi jeltzaleko iturriek azpimarratu dutenez, bukatzear dagoen agintaldia, "kudeatzeko zailenetako bat izan da". Etapa hori gaindituta, "EAJk ahalegin handia egin du Erandion honako hauek sustatzeko: jarduera ekonomikoa, enpleguaren sorrera, gaikuntza, gazte eta nerabeentzako aisialdi- jarduerak, jarduera fisikoa osasunerako giltzarri gisa, hiri hezitzailearen elkargunearen sorrera, eta udalerria alderdi fisikotik atsegin, garbi, ordenatu eta polita izango den udalerri bihurtzeko asmoa", adierazi dute.
Zentzu horretan, gaur egun, Erandioko hiriguneetako hirigintza-birsorkuntzako asmo handiko prozesu batean murgilduta dagoela nabarmendu dute baita: "Prozesu horretan, industria-eremu zaharrak aldatu dira, oinezkoentzako kaleak, espaloi zabalak, oinezkoari lehentasuna ematen dioten espazioak, berdeguneak eta parke publikoak dituzten bizitegi-ingurune bihurtzeko".
