Elkarteek jakinarazi dutenez, bileran Udalak jakinarazi die Bizkaiko Foru Aldundiari presioa egiten jarraitzen duela, uholdeetatik babesteko proiektuak egokitu ditzan eta Altzagarako segurtasun handiagoa berma dezan. Hala ere, orain arte, Aldundiaren erantzuna negatiboa izan ei da, eta ezarri diren neurri bakarrak 2024ko uholdeen ondoren jarri zirtuzten lur-zakuak dira.
Koordinakundeak "arduragabekeriatzat" jo du erakundeen konpromiso falta, eta mobilizazioak iragarri ditu erakundeei erantzukizuna eta Klima Aldaketaren 7/2021 Legea bete dezatela eskatzeko. Araudi horren arabera, Aldundia uholdeen arriskua kontuan hartzera eta bere proiektuak egokitzera behartuta dago, "baina ez du horrelakorik egin", ohartarazi dute koordinakundetik.
Era berean, nabarmendu dute URAren (Uraren Euskal Agentzia) Arrisku Planari aurkeztutako alegazioek oraindik ez dutela erantzunik jaso, eta horrek larriagotu egiten duela kaltetuen eta gainerako herritarren arteko "utzikeria- eta desinformazio-sentsazioa".
"Erandiok segurtasun bermerik gabe eta itsasaldien, meteorologiaren eta zakuen zain jarraitzen du. Bitartean, erakunde eta alderdi politikoen aurrean laguntza eta informazioa eskatzen jarraitzen dugu", adierazi dute suminduta koordinakundeko kideek.
