Gune autogestionatuak hainbat eraso pairatu ditu azken hilabeteotan; azkena joan den astean jazo zen. Oraingo honetan, eraikinaren ondoko kontainerra apurtu eta Algortako hainbat eragilek bertan gordeta zuten materiala lapurtu dute ezezagunek, hala nola Algortako Jai Batzordearen eta elektrotxarangaren musika ekipoa; Indabadako materiala; ortuko materiala; gazte-txosnako argiak, mikroak eta sorgailua. Ondorioz, galerak milaka eurokoak direla jakinarazi dute gazte-mugimenduko kideek.
Getxoko Txorimalo gaztetxeko kideek jakinarazi dutenez, hainbat eragileren materiala lapurtu dute bertan. Adierazi dutenez, eraso horrek udalerriko eragileek aurrera daroaten ekimenak "koloka larrian" ipini ditu. Hori salatzeko, prentsaurrekoa egingo dute bihar, eguenean, 19:00etan gaztetxean bertan. Horretan parte hartzera deitu diete udalerriko gazte zein nagusi denei.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun