Getxo Antzoki berriak badu izena: Muxikebarri

Apurka-apurka zabalduko ditu ateak antzoki berriak. Azaldu dutenez, martxoaren 26an ekingo dio programazio arruntari. Ibon Rodriguez EH Bilduko zinegotziak aurkezpen-ekitaldia kritikatu du sare sozialetan.

Getxoko Udalak adierazi duenez, udalerriko tradizio toponimikoan oinarrituta dago aretoaren izena. Izan ere, azaldu dute kokatuta dagoen eremua Muxikelanda deitzen dela, Getxoko leku-izenak liburuak jasotzen duenaren arabera.

Dirudienez, Muxike familiatik hartu zuen izena. Toponimoari, -barri atzizkia gehitu diote "Getxon oso sustraituta dagoen ohitura" baita eraikin zaharren gainean eraikitzen diren etxe berriek atzizki hori hartzea, udal-gobernuak dioenez. Euskaltzaindiaren arabera, bestalde, Muxika da jatorrizko izena, eta amaierako -e hori ahozko aldaera bat besterik ez da. Inguruan dagoen Muxikeaurrekoa kalea eta "koherentzia" kontuengatik Muxike formari eustea erabaki du Udalak.

Astelehen goizean egin dute eraikin berriaren aurkezpen-ekitaldia. Ibon Rodriguez EH Bilduko zinegotziak sare-sozialetatik kritikatu duenez, Getxoko udal-gobernuak komunikabideak gonbidatu ditu bisitaldira, eraikinaren izenaren eta programazioaren gaineko informazioa azaldu, eta beranduago deitu die oposizioko alderdi politikoei. Adierazi duenez, hilabeteak daroatzate kultura-eskaintzaren gaineko informazioa eskatzen, eta "ukatu" egin zaie.

Erlazionatuak

Getxo Antzokian euskaldunon hizkuntz eskubideak urratuko direla salatu du EH Bilduk

Getxo

Erabakia "euskal hiztunon komunitatearen aurkako eraso zuzena" dela adierazi du koalizio abertzaleak: "Badirudi Euskaraldian batzuek egindako aldar...
Getxo Antzokiaren irekiera ofiziala atzeratuko dute, hauteskunde orokorrak direla eta

Getxo

Programazio arrunta martxoaren 26an abiaraziko dute, Udalak adierazi duenez, Andres Isasi Musika Eskolako ikasleen kontzertu bategaz. 
Hamar urteko lanen emaitza... eta ordaina

Getxo

2019ko lehen hiruhilekoan zabalduko dute Getxo Antzoki berria, Getxoko Udal Gobernuak adierazi duenez. Hala, bat egingo du proiektu berean sartu di...