Virginia Diaz arraunlaria 2020ko Tokioko Joko Olinpikoetan lehiatuko da

Virginia Diaz. © BASQUETEAM

Raspas del Embarcadero Arraun Taldeko Virginia Diaz kirolariak 2020ko Tokioko Joko Olinpikoetan lehiatzeko txartela erdietsi du Ottensheim-Linzeko Munduko txapelketako finalerako pasea lortuta.

Ottensheim-Linzen indarrean dagoen Munduko txapelketako finalerdian hirugarren sailkatzeak txapelketako A finalerako pasea eman dio Basque Teameko Virginia Diaz arraunlariari, baina ez hori bakarrik: 2020ko Tokioko Joko Olinpikoetan lehiatzeko txartela ere erdietsi du.

Gaurko finalerdia zaila zen, Australia eta Kanada zituztelako aurkari, Munduko potentzia handienetakoak, eta lehen hiruen artean bukatu behar zutelako txapelketako azken mailara iristeko. Australiar eta kanadarrak hasieratik estropada buru jarri diren bitartean, Virginia Diaz eta Aina Cid gogor borrokatu behar izan dira eta Errumaniaren bultzadei aurre egin behar izan diete W2- probako hirugarren postuari eusteko. Australiak txanda irabazi du 06:58.000ko denboragaz, Kanada bigarren izan da 07:00.450ko markagaz eta Diaz eta Cid hirugarren 07:03.160 denboragaz.

Lucernan Europako txapelketa irabazi ondoren, Virginia Diaz Ottensheim-Linzeko Munduko txapelketara Tokio 2020rako plaza bat lortzeko asmoagaz etorri da eta lortu egin du. Jokoei begira modalitatea aldatu du eta orain Aina Cidegaz batera egiten du arraun, lemazainik gabeko biko ontzian. Gogor lan egin behar izan dute egoera berrira moldatzeko baina maiatzeko Lucernako Europako txapelketan argi geratu zen lortu dutela, urrezko domina irabazi baitzuten, estropada bukaera ikusgarria eginda gainera.

Erlazionatuak

Virginia Diaz: "Europako emaitzak ikusita, baliteke Joko Olinpikoetarako klasifikatzea"

Getxo

Virginia Diaz getxoztarra 2020ko Tokioko Joko Olinpikoetan lehiatzeko aukerak dituen kirolarietako bat da, Europako txapeldun absolutuaren titulua ...
Virginia Diaz, Europako txapeldun absolutua

Getxo

Virginia Diaz Areetako Raspas Arraun Elkarteko kidea arraunketa olinpiarreko Europako txapelduna da, Náutic Amposta klubeko Aina Cid arraunl...
Virginia Díaz Europako hamar arraunlari onenen artean sailkatu da

Getxo

Virginia Díaz, Raspas arraun-elkarteko arraunlaria, bederatzigarren postuan sailkatu zen aulki mugikorreko Europako Txapelketan, pasa den as...