EH Bilduk zabaldu duenez, Jabekuntza Eskolaren ikastaro bietan 67 pertsona gelditu dira itxaron-zerrendan, zehazki, 13 twerk (booty dance) tailerrean eta beste 54 chi kung tailerrean. Kultur Etxeko tailerrei dagokienez, tokiko arduradunei galdetuta, HIRUKAk jakinarazi du dantza garaikideko arrastiko tailerrean bost pertsona gelditu direla zain plaza hartzeko, eta beste 10 bitxigintzako tailerrean. Hala ere, nabarmendu dute Deustobide euskarazko ikastaroan ez dagoela itxaron-zerrendarik.
EH Bilduk deitoratu du 67 pertsona gelditu direla itxaron-zerrendan Jabekuntza Eskolaren euskarazko ikastaroetan
Aurtengo ikasturterako Getxoko Udalak antolatutako ikastaroetan euskara "baztertuta" dagoela salatu zuen irailean tokiko EH Bildu taldeak. Izan ere, Getxoko Kultur Etxeak eskainitako 15 ikastaroetatik soilik bi dira euskaraz, eta Jabekuntza Eskolaren kasuan, 14 ikastarotik beste bi. Horren aurrean, Udalak argudiatu zuen ez zegoela nahikoa eskaerarik tailerrak euskaraz egiteko eta kostata betetzen zirela horiek. Bada, koalizio abertzaleak jakinarazi du Jabekuntza Eskolaren tailer bietan 67 pertsona gelditu direla itxaron-zerrendan, eta HIRUKAk jakinarazi duenez, beste 15 Kultur Etxeak eskainitakoetan.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun