Boudnibetik Merzougara, 225 kilometroko ibilbidea egin zuten irakasle-ikasleek martitzenean. Gorabehera handirik gabeko zeharkaldia egin zuten, baina ez erronka handi batekoa: kanpamenduan egindako konponketa proban jartzea.
Garikoitz Urizar irakasleak gogoratzen duenez, aurreko etapan matxura bat izan zuten, eta zingila batzuen bitartez arazoa zuen kotxea atoian eraman behar izan zuten kanpamendura, “tarte batzuetan errepidetik, mendiko bideetatik motorra apurtuko genuke-eta”. Bertan, karterraren estalkia tolestuta zegoela ohartu ziren, “eta ez zegoen modurik muntatu ahal izateko”. Hala ere, azkenean, pieza lodia zuzendu, muntatu eta hirugarren etapari aurre egitea lortu zuten, baita amaitu ere, bideoan ikus daitekeen bezalaxe.
