Aurten ere, Algortako Fadura LHII institutuko irakasle eta ikasleek Panda Raid orientazio-probari aurre egingo diote. Iaz legez, hiru irakasle joango dira: Garikoitz Urizar, Arkaitz Amezaga eta Aitzol Barañano; eta horiei batuko zaizkie Lukas Idoyaga, Eder Fernandez eta Xabier Cerrillo Elektromekanika zikloko ikasleak. Seiak Marokoko basamortuetan barrena arituko dira martxoan, hilaren 2tik 8ra, eta bertan jarriko dituzte proban ikasturtearen hasieratik prestatzen aritutako hiru Fiat Panda ibilgailuak.
6. etapa
Arazoak arazo, Panda Raid-a amaitu dute Fadurako raiderrek: "Harro gaude egindakoaz"
mar 11 Getxo
Lasterketa bananduta amaitu arren, 2024ko Panda Raid orientazio-proba mendean hartu eta amaieraraino egin dute aurrera Fadura LHII institutuko irakasle eta ikasleek. Ikasturtean zehar prestatutako bi kotxe iritsi dira lehenengo Tangerrera, eta bezperan matxuratutako hirugarrena heldu da beranduago, behin arazoak konponduta. "Sufritu dugunaren ostean, harro egoteko modukoa da egin duguna", ondorioztatu dute protagonistek.
