Egitaraua

Txonbo egin Ibilaldira!

Iker Rincon Moreno 2024ko mai. 24a, 15:02

Atzerako kontaketa amaitzear da, eta domekan abiatuko den Ibilaldia prestatzeko lanak jo eta su aurrera doaz orduotan Getxon. Bizkaiko ikastolen jaialdia lau gunetan banatuta egongo da, eta daborduko horiek izango duten itxura hartzen hasiak dira. Algortako San Nikolas Ikastolak antolatuta, arduradunek iragarri dute familia zein lagunakaz euskaratik eta euskaraz ospatzeko eguna izango dela domekakoa; hona hemen egitaraua eta ikastolako ikasleek festara hurbiltzeko egin duten deia.

Getxoko kaleak inbadituko ditu Ibilaldiak maiatzaren 26an, musika, dantza, kolore eta tradiziozko uholde urdin bategaz. Aurten, Bizkaiko ikastolen jaiak lau gune izango ditu, "publiko guztiarentzat esperientzia paregabea eta anitza sortuz", azpimarratu dute Unai Arzubiaga San Nikolaseko presidenteak eta Gaizka Arrizabalaga ikastetxeko zuzendariak.

Antolatzaileek azaldu dutenez, egitarau "inklusiboa eta parte-hartzailea" osatu dute, publiko guztiari zuzendutakoa. "Hasieratik, adinaren araberako segmentazioa saihestuko duen esperientzia inklusibo bat sortu nahi izan da, gune guztietan haur, gazte eta nagusientzako jarduerak eskainiz".

1.gunea San Nikolas Ikastola - Ibilaldiaren bihotza

Egitaraua
  • 11:00-13:00 Erronka
  • 11:00-12:00 Itxartu dantza-taldea
  • 11:00-13:00 Topaketa HH
  • 12:30-13:30 Tor Magoa
  • 13:00-14:00 Zurrumurruen aurkako ipuin-kontaketa
  • 13:30-14:30 Kadira
  • 13:30-15:00 Aurpegi margoztu eskulanak
  • 14:00-15:00 Herri-bazkaria
  • 15:00-16:00 Bertsolariak
  • 16:30-17:30 Yogurinha
  • 17:30-19:00 DJ Kaktus

Klima aldaketa tailerra eta puzgarriak.

2. gunea San Nikolas plaza eta inguruak - Herriko kulturarekin topaketa

Egitaraua
  • 11:00-12:00 Kimetz eta Biotz Alai
  • 11:00-13:00 Topaketa LH 5-6
  • 11:00-13:00 Erronka DBH 3-4
  • 12:30-13:30 Zasi Eskola eta Agurra dantza-taldea
  • 13:00-15:00 Herri kirolak
  • 13:30-15:30 Haszten
  • 14:00-15:00 Kontzertua: Zuriketan Beltz
  • 15:30-19:00 Tailerrak Eskubeltz eskaut taldea
  • 15:30-17:00 Itxas Argia dantza-taldea
  • 18:00-19:00 Kontzertua: Bele

Puzgarriak eta azoka.

3.gunea Algortako Portu Zaharra - Itsasoari eta tradizioari omenaldia

Egitaraua
  • 11:00-12:00 DJ Muxutritzzzz
  • 11:00-13:00 Topaketa LH 1-2
  • 12:30-13:30 Kontzertua: Nazka
  • 13:00-15:00 Zirku tailerra
  • 14:00-15:00 Kontzertua: Itziarren Semeak
  • 15:30-17:00 Kontzertua: Xiberoots
  • 17:00-19:00 DJ Bull

Suhiltzaileak, Euskaltel Txirrindularitza tailerra.

4.gunea Ereagako hondartza - Herriguneko hondartza

Egitaraua
  • 11:00-11:30 Estitxu Robles
  • 11:00-13:00 Topaketa LH 3-4
  • 12:00-13:30 Zunba
  • 13:00-16:00 Egurrezko jolasak
  • 14:00-15:00 Kiki, Koko eta Moko pailazoak
  • 15:30-16:30 Goazen
  • 16:30-17:00 Bits festa
  • 17:00-19:00 Bidean erromeria

Zientzia eta jasangarritasuna gunea, Euskrania eta Atfal (Sahara), egun osoan.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun