Elkarrekin Podemosek eta EH Bilduk HAPO herritarrei “bizkarra emanda” eta “parte hartzea zailduz” onartzen saiatzea leporatu diote udal-gobernuari. Hala ere, tokiko agintariek azpimarratu dute HAPO osoko bilkurara eramateko proposamena beharrezko sektore-txosten guztiak eduki bezain laster egin zela, eta azkena 2024ko ekainaren 4an jaso zutela.
Gobernu-taldeak nabarmendu duenez, txosten guztiak eskura izanda, “ez zegoen arrazoirik aurkeztutako alegazioei emandako erantzunak gehiago atzeratzeko”. Eta azaldu du alegazio horiek HAPOren behin-behineko onarpenagaz batera izapidetu behar direla, “legezko araudiaren arabera”.
Data aukeratzeari dagokionez, azpimarratu du uztaila iraila bezain balioduna dela osoko bilkurak egiteko, eta uztailaren 26a dela dokumentua osoko bilkuraren esku jartzeko lehen data erabilgarri eta arrazoizkoa.
