Getxoko Udalak jakinarazi duenez, lizitazio berriak hasieran aurreikusitako baldintzak eta aurrekontua
mantenduko ditu, baina proba-pilotuak zortzi hilabete iraungo du, 12 hilabete izan beharrean. Hala ere, Udalak zerbitzua urte amaieran martxan jartzeko aurreikusitako epeak betetzea espero du.
Aldi berean, Udalak Getxobus martxan jartzeko beharrezkoak diren gainerako arau- eta administrazio-prozedurak izapidetzen jarraitzen du. Horrela, lizitazio berria izapide horiekaz batera garatu gura du, hasieran aurreikusitako epeei eragin gabe.
Orain ezarritako zortzi hilabeteetan, zerbitzuaren jarraipena egingo da, "erabilerari, eskariari eta herritarren mugikortasun-beharrei" buruzko datuak biltzeko. Udalaren arabera, informazio horrek "zerbitzuaren funtzionamendua ebaluatzeko eta etorkizuneko udal hiri-garraioaren ereduaren ezaugarriak zehazteko" balioko du.
