Koronabirusa Uribe Kostan

Greba bertan behera utziko dute Gorlizko garbitzaileek, "erantzukizunagatik"

Joan den martxoaren 2an abiatu zuten greba. © ELA GARBIKUNTZA BIZKAIA
Garbitzaileek astelehenetik aurrera greba bertan behera utziko badute ere, euren borrokak aurrera egingo duela ohartarazi dute. Horregatik, Gorlizko erakunde eta antolakundeei berriz ere eskatu diete udalerriko bide-garbiketako langileakaz alderatuta pairatzen duten soldata-arrakala desagerrarazteko, kategoria profesional berekoa baita.

Gorlizko Udalaren menpeko eraikinen garbiketa-sektoreko azpikontratatutako langileek, martxoaren 2tik greban daudenek, greba-deialdia bertan behera utzi dute koronabirusak eragindako osasun-krisiaren aurrean erantzukizunez jokatzeko asmoz. Hala ere, bere baldintzak hobetzeko borrokak bere horretan jarraitzen du. Hori dela eta, ELA sindikatuak beste behin ere salatu du Udalak ahoz adierazi duela greban dauden zortzi langileen baldintza ekonomikoak eta lanekoak hobetzeko asmoa baduela, baina uko egin dio horiek beren pleguetan jasotzeari.

"Ez da bermatzen Gorlizko diru publikoa garbitzaileen lana duintzeko izango denik; aitzitik, enpresa pribatuaren esku geratuko da berriro", azpimarratu dute. Gorlizko Udalari eta bertako arduradun politiko eta teknikoei dei egin diete neurri zehatzak har ditzaten garbiketaren sektorearen lan ikusezina duintzeko, sektore hori bizitzaren eta gizartearen funtzionamenduan funtsezkoa izan arren, praktikan ez delako funtsezkotzat hartzen. "Sektore feminizatu eta prekarizatu bateko kide gara, non gure lan eskubideak etengabe urratzen diren, eta ez kasualitatez. Garbitzea ikusezina da, nahiz eta gure lana ezinbestekoa izan komunitatearen iraunkortasunerako; adibidez, Ikastola eta Haur Eskola garbitzen ditugu, Gorlizen garrantzia berezia duten lekuak. Udalak emakumeen eskubideen defentsarako diskurtso baten alde egiten duen bitartean, udal eraikinak garbitzen ditugun emakumeoi ez dizkigu lan baldintza integralak bermatzen, gure bizi baldintzatan kalteak eraginez". 

Osasun krisia dela eta, astelehenean, martxoaren 16an, greba eten eta lanera bueltatuko dira, koronabirusaren hedapena geldiarazteko.

Erlazionatuak

Udal-eraikinetako garbitzaileak, baldintza duinen aldeko greban

Gorliz

Martxoaren 2tik greba egiten dabiltza Gorlizko Udalaren menpeko eraikinetako garbitzaileak. Kale-garbitzaileekiko soldata-diferentzia ezabatzea eta...
"Osasungintza publiko sendoa behar dugu, eta honelako krisi batek agerian uzten du zeintzuk diren premiak"

Uribe Kosta

Hainbat urtez ELAren Osakidetzako sailean ardura izan ostean, gaur egun Lan Osasun arloaren erantzukizuna du sindikatuan Pello Igeregi sopeloztarra...
Osasun Larrialdi egoera ezarri du Eusko Jaurlaritzak

Uribe Kosta

Gaur goizean egindako agerraldian, Iñigo Urkullu lehendakariak azaldu du Gobernu Kontseiluak Osasun Larrialdia jarri duela indarrean. "Egoer...
Gorlizko udal-eraikinak ere itxi dituzte

Gorliz

Gainontzeko udalerrietan jazotzen ari den legez, Gorlizko Udalak ere udal-eraikin denak itxi egingo ditu (HAB, kultura, kirol eta turismo-zerbitzua...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun