EH Bilduk abstentziora jo zuen Gorliz Bizirik herri-plataformako Ekaitz Pau alkate izateko hautaketa babesteko. Horretarako, alderdi abertzaleak hurrengo eskaerak egin zizkion talde independenteari bien arteko akordioa sinatzeko: Udal langile baten baja laborala onartzen duen epaiaren kontra aurkeztutako errekurtsoa atzera botatzea, Gizalege eta Elkarbizitza ordenantza atzera botatzea, erositako radar zigortzaileak pedagogikoengatik ordezkatzea, kiroldegiko pabiloi berriaren eraikuntza aztertzeko kanpo auditoria bat egitea eta etxebizitza eta eskubide sozialen bulego bat sortzea.
Ekaitz Pau buru zuen zerrendak 1.009 boto lortu zituen (% 32,77) maiatzaren 28ko udal-hauteskundeetan. Horrela, Gorliz Bizirik alderdia bost zinegotzigaz sartu da Udalean. Bestalde, EH Bilduk 943 boto eskuratu zituen (% 30,63), aurreko legealdiko lau zinegotziei eutsiz. EAJk aldiz, 877 botogaz, aurreko legealdian zituen sei zinegotzietatik bi galdu ditu.
