Ikasle Abertzaleak (IA) erakundeak bere Twitter kontuan sei inputatuen idatzia zabaldu du: hauen esanetan manifestazio hark izaera politikoa zuen eta horregatik "erreprimitu, atxilotu eta epaituko gaituzte". Ikasleek ez dituzte inputatzen dizkieten karguak "onartzen" eta "autodefentsa mekanismoak" sortzen jarraitzeko deia egin dute.
Atxilotze-agindua jaso dute Leioako campuseko istiluen harira ikertutako sei gazteek
2016ko apirilaren 26an manifestazioa egin zuten Leioako campusean, San Mameseko Herri Unibertsitatean izandako gertakarien harira; hainbat ikasleren kontra zabaldutako zigorrak bertan behera uzteko eta indar polizialak fakultateetatik kanpo gera zitezela exijitu zioten Unibertsitateari. Manifestazioan zehar izandako istiluen ondorioz, hainbat ikasle atxilotu zituen Ertzaintzak, eta orain eman dute horiek ikertzeko agindua. Gazteek epailearen aurrean ez agertzea erabaki dute eta, jakinarazi dutenez, deklaratzera joateko atxilotze agindua jaso dute.
Erlazionatuak
Istilu larriak izan dira Leioako campusean
2008 mai 20
Leioa
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun