Avanzada lurperatzeak eskuinaldea "kolapsatu" egingo lukeela azaldu du Aldundiak

Imanol Pradales Bizkaiko Azpiegitura eta Lurralde Garapeneko diputatua Avanzada estaltzeko proiektuaren aurkezpenean. © BIZKAIKO FORU ALDUNDIA

Imanol Pradales Bizkaiko Azpiegitura eta Lurralde Garapeneko diputatuak atzo, eguenean, azpimarratu zuen Avanzada Leioan lurperatzeak trafikoaren "etengabeko kolapsoa" eragingo lukeela, gaitasun handiko hautabiderik ez baitago.

Diputatuak agerraldia egin zuen Bizkaiko Batzar Nagusietako Azpiegitura eta Lurralde Garapeneko Batzordean, Bizkaiko PPk eskatuta, Aldundiak Avanzada estaltzeko diseinatu duen proiektuaren berri emateko. EAJko foru diputatuak azaldu zuen proposamena beste aukera batzuk baztertu ondoren planteatu zutela, hala nola ahoan azalera handiagoa estaltzea Bilborako bidean.

Gainera, egitasmoa bizilagunakaz eta Udalagaz kontrastatu zutela ere azpimarratu zuen, eta, gaur gaurkoz, trafikoari eragin gabe egin daitekeen erantzun "errealista eta bideragarriena" dela azpimarratu zuen. Azaroan aurkeztu zuten proiektua informazio-fasean dago oraindino, eta urte bukaeran lizitatzea aurreikusi dute 62,5 milioi euro inguruko aurrekontuagaz. Bestalde, "onartutako alegazioak kontutan hartuta", Pradalesek adierazi zuen proiektuak aldaketa batzuk jasan ditzakeela, baina estaltzearen luzera aldatzea erabat baztertu zuen.

Era berean, diputatuak azpimarratu zuen aukeratutako konponbideak kutsadura akustikoa murriztuko duela, eta, horren bitartez, Leioako bizilagunentzako oinezkoentzako eremu publiko handi bat sortuko dela. Gainera, proiektuak bide-segurtasuna areagotuko du, eta, gauzatzen den bitartean, Leioa egunero zeharkatzen duten 115.000 ibilgailuen mugikortasuna bermatuko dute.

Aldundiaren arabera, gaur egun, 2.900 leioaztarrek sufritzen dituzte 55 dezibelio baino gehiagoko zaratak gauez. Diputatuaren arabera, pertsona horien % 82ri positiboki eragingo die proiektuak, zaratak aipatutako muga horretatik behera utziz. Izan ere, diputatuak nabarmendu duenez, "obra erraldoia da, kaltetuenen bizi-kalitatea hobetzeari begira". Hala ere, onartu du ez dela konponbide oso bat, izan ere, beste 500 bizilagun geratuko dira zarata-maila berdina jasaten.

Erlazionatuak

Bizkaiko PPk Avanzada estaltzeko proiektuari buruzko azalpenak eskatu dizkio Aldundiari

Leioa

Bizkaiko PPk eskatuta, Aldundiak azalpenak emango ditu bihar Avanzada estaltzeko proiektuaren inguruan. Zehaztu dutenez, jakin gura dute zergatik l...
Avanzada lurperatzearen aldeko plataformak aurreproiektuari alegazioak aurkezteko deia egin du

Leioa

Leioa zeharkatzen duen BI-637 errepidea egokitzeko aurkeztutako behin-behineko proiektuari  arrazoibideak aurkezteko eskatu du Avanzada lurper...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun