Itsasadarraren berrantolaketarako proiektua geldiarazteko giza katea osatuko dute domekan

SOS Itsasadarra herri-plataformak Plentziako itsasadarra "defendatzeko" giza katea egingo du domekan, hilaren 24an. Zeregin horretarako gutxienez 600 lagun bildu beharko dituzte, "Ontziolatik San Telmora arteko kilometroa betetzeko".

Giza-katea osatuko dute domekan, hilaren 24an, Plentziako Ontziola plazatik Barrikako San Telmo auzunera bitartean. Kilometro bateko tarte hori betetzeko, 600 lagun inguru behar direla aurreikusi du SOS Itsasadarra herri-plataformak. Azaldu dutenez, mobilizazioan parte hartuko dutenek arrantzale-zapiak, txilibituak eta bozinak eramango dute, aldarrikapena ahalik eta gehien entzun dadin.

Giza-katea egiteaz gainera, gura duenak amarratutako ontzietan egonda ere parte hartu ahal izango du mobilizazioan, antolatzaileek jakinarazi dutenez.

Hitzordua eguerdiko 12:00etan jarri dute eta euren helburua da Eusko Jaurlaritzak Plentziako itsasadarra berrantolatzeko proposatutako proiektua geldiaraztea, "berrantolaketa bai, baina horrela ez!" lemaren pean.

Erlazionatuak

Zenbat ontzi kabitzen dira itsasadar batean?

Plentzia

Unai Brea HIRUKAko kazetariak Plentziako itsasadarraren berrantolaketaz Bizkaia Irratian egindako kolaborazioa entzun dezakezue hemen.
"Berrantolaketa bai, baina horrela ez!"

Plentzia

Plentziako itsasadarra berrantolatzeko Eusko Jaurlaritzak proposatutako proiektuaren kontrako mobilizazioan parte hartu zuten atzo, domekan, dozena...
Plentziako itsasadarraren berrantolaketa: "ezinegona" Barrikako Udalean

Barrika Plentzia

Herritarrei bidalitako eskutitz baten bidez, Plentziako itsasadarreko amarralekuen berrantolaketa-proiektuaz "informazio ofizialik" jaso ez izanaga...
Plentziako itsasadarreko amarralekuen berrantolaketak kezkak eta zalantzak eragin ditu

Plentzia

Plentziako itsasadarra berrantolatzeko proiektuak ezinegona eragin du hainbat pertsonaren artean. Alde batetik, itsasontzien ugazaba askok uste dut...