Eusko Jaurlaritzak Plentziako itsasadarra berrantolatzeko proiektua atzeratu du

Atzerapen horregaz, ideia da orain arte jasotako eta hemendik aurrera jasoko dituzten ekarpenak kontuan hartuta, horiek ikertu eta, ahal izatekotan, proiektuan txertatzea.

Plentziako itsasadarraren berrantolaketarako proiektua atzeratu egin du Eusko Jaurlaritzak; hala, parte-hartze prozesua ireki du norbanako eta kolektiboen ideiak jaso eta egitasmoa hobetze aldera. Europa Press albiste agentziak zabaldutakoaren arabera, proiektuaren arduradunek uste dute "beharrezkoa" dela denbora inbertitzea orain arte jasotako ekarpenak baloratzeko eta ikertzeko, gerora proiektuan txertatu ahal izateko, egoki deritzotenean. Une honetarako 37 ekarpen jaso dituzte, baina egunotan gehiago jasotzea aurreikusi dute.

Iturriek zabaldu dutenez, atzerapen horren helburua da proposatutako proiektua hobetzea, beharrezkoa ikusten dutelako neurriak hartzea itsasadarra egoki berrantolatzeko, "askok eskatzen duten bezala", arduradunen arabera.

Era berean, EKP (Euskadiko Kirol Portuak) esleipen prozesua abiatuko du laster Plentziako portuko pantalanak berritu eta berrantolatzeko. Horri esker, portuaren barruko antolaketa egokitu eta plazak areagotuko dituztela azaldu dute, 165 tokitik 208ra izatera pasatzeko. Lanotarako aurrekontua 1.000.000 eurokoa izango dela aurreikusi dute. Behin egokitzapenak bukatuta, plaza denak esleituko dituzte legearen arabera.

Erlazionatuak

Plentziako itsasadarra berrantolatzeko proiektua gelditzea eskatu dio Eusko Legebiltzarrak Jaurlaritzari

Plentzia

Lanak hasi aurretik portuaren eta itsasadarraren garbiketa eta babesa bermatu eta ontzi denen inbentarioa egiteko eskatu dio Eusko Legebiltzarrak J...
Plentziako itsasadarreko amarralekuen berrantolaketak kezkak eta zalantzak eragin ditu

Plentzia

Plentziako itsasadarra berrantolatzeko proiektuak ezinegona eragin du hainbat pertsonaren artean. Alde batetik, itsasontzien ugazaba askok uste dut...
Milaka lagunek protesta egin dute pantalanak ezartzearen kontra

Barrika Plentzia

SOS Itsasadarra plataformak deituta, atzo, domekan, ia 2.000 pertsonak manifestazioa egin zuten Plentzian Eusko Jaurlaritzari itsasadarra berrantol...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun