Sopelako Kiribile elkarteak Eraztun Berdearen ezaugarriak eta kokapena ezagutzeko bisita gidatua antolatu du irailaren 23an, zapatuan, aurtengo Sopela Kosta Fest jaialdiaren barnean. Ibilbidea Sopelako Urkoko putzuetan hasiko da 09:30ean, eta Urkotik, Abarotik eta Munarritik igaroko dira parte-hartzaileak. Hala, antolatzaileek adierazi duten moduan, bisita gidatuan ezagutuko dute inguruneko biodibertsitatea, hasi den inguruaren berroneratzea, baita ondare historikoa, kulturala eta arkeologikoa ere. Beharrezko da izena ematea hemen.
Kiribile elkarteko kideek azaldu dutenez, irteerak irauten duen bitartean, Sopelako eraztun berderako "estrategikoak" diren gune desberdinak bisitatuko eta proiektuaren nondik norakoak ere azalduko dituzte. Irteerak, gutxi gora behera 3 ordu iraungo ditu, eta amaiera udaletxeko plazan izango da, hamaiketako txiki bategaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
