Udal-hauteskundeak 2019

Gehiengo absolutua mantendu du EAJk Urdulizen

Zinegotzi bat galdu dute jeltzaleek, hain zuzen ere EH Bilduk irabazi duena; hala ere, gehiengo absolutua mantendu du EAJk Urdulizen. Udalbatza osatzeko falta den aulkian, sigla-aldaketa baina ez pertsonena: lehen Denok Batera zena Elkarrekin Podemos izango da orain.

Urdulizen ere, Gorlizen eta Plentzian legez, udaletxeko atarian geratu da PSE-EE, 26 botora. Ez dago jakiterik posta bidezkoen zenbaketak ezusterik ekar dezakeen alde horretatik, baina ekarriko balu galanta litzateke, sozialistek nori eta EAJri kenduko bailiokete zinegotzi bat, eta horregaz batera gehiengo absolutua. Hala izanda ere, noski, arazorik ez lukete izango jeltzaleek beste lau urtez agintzen jarraitzeko, kontrakoa baizik. Euskal Herrian lurrikara politikorik gertatu ezean behintzat.

  • BOTO-KOPURUA: 2.426
  • ABSTENTZIOA: %30,29
  • EAJ: 1.111 (%46,47).
  • EH Bildu: 756 (%31,62)
  • Elkarrekin Podemos: 265 (%11,08)
  • PSE-EE: 160 (%6,69)
  • PP: 69 (%2,89)

Erlazionatuak

Udal-hauteskundeen emaitzak herriz herri: hau da panorama

Uribe Kosta

Uribe Kostako hamar udalerrietatik bostetan gehiengo absolutua lortu du EAJk (Barrika, Berango, Lemoiz, Plentzia eta Urduliz), eta segurtasunez esa...
EAJk denetan irabazi eta gehiengo absolutua du udalen erdian; EH Bildu eta PSE-EE gora, eta PP gainbeheran

Uribe Kosta

EAJk nagusigoari eutsi dio eskualdean eta udal denetan lortu du boto-kopururik handiena. Azken orduko aldaketarik ezean, jeltzaleek gehiengo absolu...