Ekimena Erandioko Berbots, Sopelako Aitxu eta Getxoko Egizu elkarteek antolatu dute. Iragarritakoaren arabera, abenduaren 13an ezagutuko dituzte landare inbaditzaileak, Gorka Menendez Baceta etnobotanikari galdakoztarrak gidatuta. Autobusa 09:00etan abiatuko da Altzagako ontziralekutik; 09:15ean, Telletxe plazako geralekuan hartuko ditu berbalagun algortarrak, eta 09:30ean, Sopelako eliza aurrean, sopeloztarrak. Txangora joan gura dutenek 3 euro ordaindu beharko dituzte; leku-kopurua mugatua da. Bisita 10:00etatik 14:00etara izango da, Sopelako hondartzetan eta eskualdeko padura batean, antolatzaileek azaldu dutenez.
Landare inbaditzaileak ezagutzeko berbatxangoa atzeratu dute
Domeka honetarako, azaroak 22, antolatuta zegoen landare inbaditzaileak ezagutzeko Berbatxangoa atzeratu dute. Erandioko Berbots euskara-taldeak jakinarazi duenez, horren arrazoia da "astebururako nahiko eguraldi txarra iragarri" dutela, "euria eta batez ere haize bolada gogorrak". Hori dela-eta, berbatxangoa dataz aldatzea erabaki dute. Abenduaren 13an, domekan, egingo dute, ordutegi, hizlari eta modu berean.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun