Bizkaiko PPren diruzain ohiak testuan azaldu duenez, aurtengo maiatzaren 8an 250 edukiontzi zeuden kiskalita Bizkaiko 34 udalerritan. Horietatik gehienak Sopelan, Getxon, Leioan, Bilbon, Santurtzin, Sestaon, Portugaleten, Barakaldon, Igorren eta Durangon erre zituzten. Aldecoak emandako datuen arabera, edukiontzien batez besteko kostua 1.000 eurokoa da.
Talde mistoko batzarkideak uste du "komenigarria" dela Aldundiak "babes argia" ematea kaltetutako udalei, piromanoen "jarrera basatiaren" aurrean, gertaerak eta erantzukizunak ikertzen diren bitartean. Horregatik, proposamena aurkeztu du Batzar Nagusietan, erakunde horrek Aldundiari eska diezaion aipatu laguntzak abiatzea.
