Aurreko aste-akabuan hasitako bidetik, etxealdia ahalik eta ondoen igarotzen laguntzeko ikus-entzunezko produktu txukunak ekartzen segituko dugu. Domekarako, antzezlan bat: Goenkale: kondesaren erretratua.
Goenkale telesail ospetsuak 18. urtea bete zuenean, ikusleek denbora luze horretan izandako fideltasuna eskertzeko antzezlan bat sortzea bururatu zitzaien Pausoka eta Glu Glu ekoiztetxeetako arduradunei.
Goenkale, Kondesaren erretratua obran, komediagaz uztartuta daude telesailean ohikoak ziren elementuak, hau da, intriga eta maitasun-aferak. Ordura arte ezkutuan egondako hasierako pertsonaien daturen bat edo beste ere ezagutarazi zuten.
Zuzendaria: Jokin Oregi.
Antzezleak: Xabier Perurena, Ylenia Baglietto, Felix Arkarazo, Maria Cruickshank, Yannick Vergara eta Carlos Nguema.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
