Alberto Diez historiazale berangoztarra zendu da

"Vascos, burgaleses y riojanos primos hermanos" liburua aurkeztu zuen 2016an.

Alberto Diez Berangoko ikertzaile historiko eta dokumentalista hil zen atzo, martitzenean, 88 urte zituela. Urteotan, Uribe Kostako eta inguruko historiaz jabetzeko askotariko liburuak argitaratu ditu; azkena: Los molinos de viento y marea vizcaínos.

Metodikoa sortzez, bere bizitzaren zati handi bat udal-artxibo, liburutegi eta liburuen artean eman zuen Alberto Diezek. Horri esker, emaitza mardula izan du, hamabost bat argitalpen sinatu baititu. Besteak beste, Berango, 40.000 años de historia lana argitaratu zuen aurrenekoz 1990an, baina bigarren edizioa kaleratu zuen hamarkada batzuk geroago. Lan horretan, udalerri horretako historia kontatzen du, xehetasun guztiakaz.

Gorlizen jaioa, ezkondu ondoren Berangon finkatu zen 60ko hamarkadan, eta bertan bizi izan da urte hauetan guztietan. Lanbidez historialaria izan ez arren, bere bizitzaren erdia baino gehiago ikertzen ibili da, liburu artean, baina baita landa-lanean ere. Iñaki Libano arkeologian aditu barrikoztarrak gogoratzen duenez, Berangoko Agirremendi aztarnategia aurkitu zuen Diezek, 1985ean. Horrez gainera, heraldikari eta errotei buruzko hainbat lan argitaratu ditu, besteak beste.

Erlazionatuak

Alberto Díez: "Gure senideak ere badira errioxar eta burgostarrak"

Berango

Alberto Díez Saiz (Gorliz, 1933) historia-ikertzaileak "Vascos, burgaleses y riojanos primos hermanos" bere azken liburua aurkeztu zuen azar...
"Bizkaiko marea-errotarik zaharrena Plentziako Gazteluondo da"

Berango

Gure ibai guztiek dituzte errotak, baina haizea edo itsasaldiak baliatzen zutenak ere egon dira inguruotan. Horien bilduma egin du Alberto Diez Sai...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun