Protesta

"Gure pazientzia agortu da"

Elkarretaratzea egin zuten Walitxo txosnaren aurrean egoera jasanezina salatzeko.

Astebururo, Gorliz eta Plentzia inguruan gertatzen ari diren ekintza bandalikoak eta kale-zurrutaren ondorioak salatzeko, zenbait herritarrek elkarretaratzea egin zuten atzo Gorlizeko txosnaren ondoan. Azaldu dutenez, gogaituta daude asteburuz asteburu zaborra eta hondamendia aurkitzeaz, eta ezbehar bat gertatu aurretik zerbait egiteko exijitu diete agintariei.

Asteburu honetan, Gorlizeko Walitxo txosnak jasan duen erasoa gehiegizkoa izan da gorliztar askorentzat, eta, horregatik, uda honetan hainbatetan errepikatu den egoera salatzeko elkarretaratzea egin zuten atzo iluntzean. 50 pertsona inguru elkartu ziren txosna inguruan, ekintza bandalikoak eta kale-zurrutaren ondorioak salatzeko, eta agintariei exijitzeko neurriak har ditzaten.

Elkarretaratzea sare sozialetatik zabaldu den bat-bateko ekintza izan da, auzotarren haserrea eta ezintasuna kaleratzeko, hain zuzen ere. Deialdia egin dutenetako bat da Teresa Urionabarrenechea, eta azaldu duenez, "domekan, beste behin, dena zaborrez beteta aurkitu genuen, eta, oraingoan, txosna barrura ere sartu ziren barrualdea guztiz hondatuz. Hau gehiegizkoa da; nolabait geratu beharra dago".

"Goizero gaueko ekintza bandalikoakaz aurkitzen gara: ibilgailuen atzerako ispiluak apurtuta, zaborra leku guztietan, kristalak lurretik... Domekan txosnan gertatutakoagaz gure pazientzia agortu da", azaldu du Alicia Irusta Gorlizko udatiarrak. "Jendea nekatuta dago egunez egun gauzek berdin jarraitzen dutelako, eta agintariek ez dutelako ezer egiten, ezbehar bat gertatu arte".

Erlazionatuak

Udaldian gutxienez sei aldiz eraso egin diote ezezagunek Gorlizko txiringitoari

Gorliz

Azken hiru hilabeteotan, gutxienez, sei aldiz eraso egin diote ezezagunek Gorlizko hondartzaren ondoan dagoen txosnari. Bertako ugazabek deitoratu ...
Gorlizko pinudiko hesia apurtu dute, hori jarri eta gutxira

Gorliz

Joan den astean ezarri zuten itxitura, gune berderako sartu-irteerak kontrolatzeko asmoz. Hala ere, ezezagunek daborduko hesiaren zati bat bota dute.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun