Festa giroan ekin diote hirugarren Euskaraldiari Plentzian

Atzo, hilaren 17an, Uribe Kostako Mankomunitatea osatzen duten udalerriek harrera beroa egin zioten azaroaren 18tik abenduaren 2ra egingo den euskararen erabileraren aldeko ekimenari. Ekitaldian hitza hartu zuten Uribe Kosta BHI institutuko Euskara Batzordeko kideek eta Elixabete Uribarrik eta Josu Landaluzek, Plentziako alkateak eta Mankomunitateko presidenteak, hurrenez hurren. 

Ekitaldiari hasiera emateko Getxo Herri Kirolak Taldeko kideek erakustaldia egin zuten lehenik. Horietaz gain, Sopelako Arima Dantza Taldeko kideek erakustaldia ere egin zuten, eta Zirkozaurre konpainiako kideek Kobr3 ikuskizuna eskaini zuten. Ekitaldiagaz hasiera eman zioten abenduaren 2ra bitartean egingo den Euskaraldiari, eta, horregaz batera, eskualdeko udalerrietan egingo diren Kulturaldia 2022 jarduerei.  

Erlazionatuak

Kulturaldia 2022 abiatuko dute bihar Uribe Kostako Mankomunitateko udalerrietan

Uribe Kostako Mankomunitateko Euskara Zerbitzuak antolatutako programazioak eskualdeko sei udalerritan (Gorliz, Urduliz, Lemoiz, Plentzia, Sopela e...
Badator Euskaraldia!

Uribe Kosta

Barikuan emango diote hasiera hirugarren Euskaraldiari, eta Uribe Kostan daborduko dena prest dago euskararen erabilera iraultzeko ekimen erraldoia...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun