Aurreko maiatzaren 28ko udal-hauteskundeetan, EH Bilduk Uribe Kostako Zerbitzu Mankomunitatea osatzen duten zazpi udalerrietako lautan lortu zuen alkatetza, horrenbestez, gehiengo indarra bilakatu zen erakunde politiko horretan.
Hala, aurreko barikuan, irailaren 29an, Guruzne Carrasson gaur egungo EH Bilduko Sopelako alkatea izendatu zuten presidente berria, eta orain arte karguan egon den Josu Landaluze jeltzalea ordezkatuko du. Beragaz batera, Aitor Garagarza EH Bilduko Plentziako alkateak ere hartu zuen presidenteordearen kargua.
