Ikusgarritasuna funtsezkoa da aldaketa gauzatu dadin. Etorri Now You See Me Moria hurbilagotik ezagutzera, Moriako (Lesbos irla, Grezia), errefuxiatuen esparru europarreko, eguneroko bizitza erakusten duen eta han bizi duten egoeraz kontzientzia piztu nahi duen proiektu kolaboratzailea. Noemí, ekimenaren bultzatzaileetako bat, eta Jon Uriarteren, Jaialdiko komisarioa, eskutik ezagutu hobeto gutako bakoitzak geure etxetik edo telefonotik zer egin dezakeen egoera horri erantzuteko.
Ibilbide propio, pertsonal eta indartsua egin du Miren Narbaiza musikariak Napoka Iria bikotea utzi eta bakarkako ibilbidea hasi zuenetik. Pop intimoaren eta rockaren bidegurutzean dabiltzan disko luze eta disko labur bana kaleratu eta taldearekin hamaika kontzertu eman ostean, bakarka ere proposamen sendoa aurkezten du.
Ezohiko uda ere izango da aurtengoa, jarduera kulturalei dagokienez behintzat. Hala, urtez urteko jaiak beharrean, udaldi osorako egitaraua prestatu dute oraingoan. Jarduerak eskolan eta Berangoeta kultur etxean jarritako karpetan egingo dituzte; Santa Anako jaietan, aldiz, auzo horretan jarritako karpan izango dira. Ekitaldi guztientzako edukiera mugatuta egongo da, eta aldez aurretik eskuratu beharko dira sarrerak, doan, Berangoeta kultur etxean.
Udako hilabeteetan Bizkaira itzuliko da helburu didaktikoko "La ruta del Arte BBK / Artearen Ibilbidea II" erakusketa ibiltaria; 2018tik, ibilbide arrakastatsua egin du Euskadiko udalerri askotan zehar.
Irailaren 7ra arte zabalik egongo da Caleidoscopio egitasmoaren bigarren edizioan parte hartzeko izena emateko epea. Hori da argazkigintza garaikideari buruzko irudiaren munduari lotutako hezkuntza-programa bat, eta irailetik 2022ko urtarrilera bitartean egingo da. Oraingoan, Helena Goñi artista bisualak, Caleidoscopio ekimenaren sortzaileak, sinergiak batu ditu Begihandi Kultur Elkarteagaz –Getxophoto Nazioarteko Irudi Jaialdiaren bultzatzailea–.
Uda pasatzear dagoela, datozen hilabeteetan izango dira Getxoko auzoetako Aste Kulturalak. Lehenengoa Itzubaltzeta/Romon izango da, irailaren 2tik 5era, eta horren berri eman dute antolatzaileek. Ekintza guztiak Santa Eugenia kaleko aparkalekuan izango dira, eta horietan parte hartu ahal izateko aldez aurretik izena eman beharko da –jarduera bakoitzaren ondoan izen-ematerako linka dago–.