Osteguna, otsailak 27

19:00

Dokumentala: Non dago Mikel?

1985. Guardia Zibilak atxilotu ondoren, Mikel desagertua dago. Eta bizirik aurkitzeko esperantza ahuldu ahala, Euskal Herriko kaleetan oihu bat adituko da gero eta ozenago: Non dago Mikel? Dokumental honek Mikel Zabalza gaztearen desagertze eta heriotza kasua du hizpide, Euskal Herria astindu zuten estatu krimenetako bat. Saioa doakoa izango da, eta emanaldiaren ostean egile eta senideekin solasaldia egongo da. 

20:15

Balleta Zineman: "El lago de los cisnes"

Sarrera, 12,6 euro.

10:30

Erakusketa: "Indusen ibaibideak. Himalaiatik Karatxira, Pakistan, begirada sozial bat"

Igone Mariezkurrena (Pasai Donibane, 1985) kazetari eta antropologoak Pakistanera egindako hainbat bidaiatan behatu eta dokumentatutako errealitateen berri jasotzen du Indusen ibaibideak kazetaritza lanak. Guztiek dute zerikusia krisi klimatikoak Indus ibaiaren arroan bizi diren jendeen bizitzetan duen inpaktuarekin eta horren alderdi sozialarekin. Generoa eta giza eskubideak zeharlerro garrantzitsua dira erakusketa formatua duen ikerketa lan honetan. Erakusketan ikus daiteke ere CVCEPhoto 2024 argazki erakusketa.

11:00

Elanchove lurrunontziaren hondoratze misteriotsua

Abenduaren 1ean, Elanchove lurrunontziaren hondoratze misteriotsua erakusketa inauguratuko dute Plasentia de Butron Museoan. Erakusketa Idoia Ibañez Espainiako Merkataritza Itsasketako lehen emakume kapitainak komisariatuko du, eta Merkataritza Itsasketako Kapitainen Bizkaiko Elkartearen laguntza izan du. Erakusketak enigma historiko bat argitzea ez ezik, kaltetutako familiei omenaldia egitea ere bilatzen du, erantzunen zain dauden galderez betetako iraganari leiho bat irekitzeko xedeagaz.

11:00

Erakusketa: Emakumea ardogintzan

Betidanik, ardogintza gizonezkoen ofizioarekin uztartu izan da. Gure eskuetaraino iritsi diren argazki zaharretan, gizonezkoak dira ardoaren elaborazioa lanetan ageri direnak. Baina emakumeek ere lan garrantzitsua bete dute tradizioz gizonezkoena izan den ardogintzaren sektore honetan. Hala, gure ondaren hain ezezaguna den alderdi hau gizarteratzeko helburuz, Emakumea ardogintzan erakusketa bat antolatu dute ardogintzari lotutako ondarean emakumezkoaren papera zein izan den ezagutzera eman eta ardogintzaren transmisioan eta kontserbazioan egin duen ekarpena zein izan den azpimarratzeko. Juan Celaya Letamendi Fundazioak antolatuta. Bisita guidatua: martxoak 6, 19:00 h

19:00

Leioako Mendi Astea

Otsailaren 26an eta 27an Mendi Film Festival 2024 jaialdiko film labur eta dokumental onenak proiektatuko dituzte. Jarraian, martxoaren 3an, 4an, 5ean eta 6an hitzaldiak, tailerrak eta erakusketak egingo dituzte, hala nola 13. Climbing Girl Party edo Pou anaien berbaldia.