Arantzi Sarasola LABeko zuzendaritza-kide ohia eta Imanol Eguskiza 2015eko udal-zerrendako bosgarrena dira euren hautagaitzak erretiratu eta Agirre alkategai izateko euren babesa adierazi diotenak.
Iñaki Agirrek azpimarratu duenez, "ez naiz politikari profesional bat eta ez daukat izateko asmorik". Udaletxera "haize berriak eroateko momentu ona" delakoan dago alkategaia. Bere lehenengo adierazpen publikoan, Agirrek azaldu ditu bere jatorria eta baita eroango duen ildoa ere: "Ni elkartegintzatik eta auzo-mugimenduetatik, kaletik, nator eta uste dut formula horregaz egin beharko genukeela lan, jendea entzuten, jendeagaz egoten eta jendeagaz kontuak egiten. Pozik gaude EH Bilduk aurkeztu berri digun proiektuagaz. Halandaze, horretan egingo dugu behar, zuok guztiokaz, Erandio hobe bat egiteko, denontzat".
EH Bilduk iragarri du Iñaki Agirre alkategai gisa aurkeztuko duela, ofizialki, zapatu honetan, hilaren 24an, 13:00etan, Altzagako alkartetxean, San Jeronimo kaleko 16. zenbakian.
