Gaur goizean Getxoko epaitegietan epaitu dituzten hiru ekintzaileek argi dute, "balizko kalteengatik baino, protestak zigortu gura izan dituzte epaiketa honegaz". Izan ere, azaldu dutenez, akusazioak zigor-eskaera bertan behera uzteko proposamena egin du epaiketan, ekintzaileek obra-eremura sartzeko konpromisoa hartuko balute. Halere, horri uko egin eta sententziaren zain gelditu dira hiru gazteak.
Sententziaren zain gelditu dira gaur Getxoko epaitegietan deklaratu behar izan duten hiru lagunek. Ibarbengoako parkinga eraikitzeko obrak oztopatzeko "indarkeria" erabiltzea egozten diete hirurei.
Epaiketa hasi aurretik, dozenaka lagun bildu da epaitegien aurrean, akusatuei euren elkartasuna adierazteko eta lurra defendatzea delitua ez dela aldarrikatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
