"Jump Trump" ekimena kentzea eskatu du Getxoko PPk

Koltxoneta erraldoi baten gainera salto egiteko aukera emango du "Jump Trump" ekimenak. © GETXOPHOTO

Hasi berri den Getxophoto Nazioarteko Irudi Jaialdiaren "Jump Trump" izeneko ekimena salatu du Eduardo Andrade Getxoko PPren bozeramaileak: "Benetako errespetu falta bat da. Gustukoa izan daiteke, edo ez, baina pertsona bat da eta demokratikoki aukeratutako presidente bat da". Hala, aktibitate hori bertan behera utz dezala eskatu dio Gobernu-taldeari.

Trump da Getxophoton zeresan gehien emango duen proposamenaren protagonista. Hainbat egunez, AEBetako presidentearen aurpegia daukan koltxoneta erraldoi baten gainera salto egiteko aukera emango du "Jump Trump"  ekimenak. Irailaren 6tik 9ra egongo da koltxoneta ipinita Getxo Antzokiaren barruan.

"Badakigu mota honetako ekimenetan askotariko ekintzak aurkezten direla, eta askotan polemika bilatzen dutela medioetan agertzeko. Hala ere, ez dugu onartuko inorekiko errespetuari eraso egitea", adierazi du Andradek. "Zeharkatu ezin den marra gorri bat dago, are gehiago Udalak diruz lagundutako ekimen batean", deitoratu du popularrak.

"Modu berean jokatuko genuke ekintza Imanol Landa Getxoko alkatearen aurpegiaren gainean salto egitean oinarrituko balitz; eta ziur gaude auzokide askok gustura egingo luketela salto kasu horretan, baita beste edozein politikariren kasuan ere", zehaztu du Andradek.

Erlazionatuak

[ARGAZKI-GALERIA] Gatazken osteko askotariko egoeretan murgiltzeko aukera dago Getxophoton

Getxo

Atzo, eguaztenean, eman zioten hasiera ofizialki Getxophoto Getxoko Nazioarteko Irudi Jaialdiari. Horretan ikus daitezkeen artisten ikus-entzunezko...
Abian da Getxophoto jaialdia

Getxo

Gaur, eguaztenean, hasiko da Getxophoto, Getxoko Nazioarteko Irudi Jaialdia. Horretan, munduko 20 bat artisten ikus-entzunezko lanak ikusi ahal iza...
Gatazka-ostea eraikitzeko bideak aztertuko ditu Getxophotok, irailaren 5etik 30era

Getxo

Datorren asteko eguaztenean, irailak 5, hasiko da aurtengo Getxophoto. Hamabigarren ediziora ailegatuko da honenbestez Begihandi kolektiboak antola...