Itzubaltzeta/Romoko Lope de Vega kaleko udal-eraikinak gorabehera handiak izan ditu azkenengo urteotan. Udalak hura eraitsi eta bertan Belaunaldien Arteko Zentroa egiteko asmoa du eremu horretan, 13 milioi eurotik gorako inbertsioa eginez, Bizkaiko Foru Aldundiagaz batera. Horren aurrean, auzoko gazte eta nagusiek askotariko mugimenduak eta mobilizazioak egin dituzte proiektua geldiarazteko asmoz: itxialdiak, okupazioak, manifestazioak, sinadura-bilketak...
Zeregin horretarako hurrengo hitzordua barikuan izango da, hilaren 5ean. Romo Plataformak deituta, udal-eraikinaren kontrako elkarretaratzea deitu du horren aurrean, 18:30etik aurrera.
— Jorje Lukas (@kitxubio) February 3, 2021
