Gabonak abenduaren 6an, San Nikolas Egunean, hasten dituzte: bezperan, umeek euren oinetakoak uzten dituzte atarietan gozokiak eta frutak jasotzeko, "baina, txarto portatu direnek enbor bat jasotzen dute", dio Tataruk. Sasoi horretan, Gabonetako jatekoetan ezinbestekoa den txerria ere hiltzen dute, "lodiena eta ederrena aukeratzen dugu", eta hortik, Gabonetarako ez ezik, urte osorako janaria ateratzen dute. Bere Gabonetako jateko gustukoena sarmale-ak direla dio: haragiz, arrozez eta barazkiz betetako aza biribilkiak. "Gehienok familia eta lagunak ditugu hemen, beraz, elkarregaz ospatzen ditugu Gabonak", eta, horretarako, abenduaren 25ean eta 31n ere elkartzen dira.
