Orain arteko etaparik “politena” egin zuten Fadura LHII institutuko raiderrek Marokoko Panda Raid proban. Merzougako duna ikusgarrietatik abiatuta, Tafraoute Sidi Alira arteko 200 kilometro gainditu behar izan zituzten eguaztenean, hilaren 6an, eta, azaldu dutenez, oraingoan ez zuten gorabeherarik izan.
Bezperetako arazoak atzean utzita, egindako konponketak proban jarri, eta mendirik mendiko 200 kilometroko etapa “gogor bezain politari” aurre egin zioten irakasle-ikasleek eguazteneko laugarren etapan. Garikoitz Urizar irakasleak dioenez, kotxeak oso ondo portatu ziren, etapa gogorra izan arren. “Oso ondo moldatu ginen, eta izan da etaparik politena, kotxeek arazorik ez dutelako eman, eta espresuki ekipoak ondo funtzionatu duelako; gidariak fin ibili dira, ikasleak oso ondo gidatu dituzte. Eskertzeko eguna”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
© PANDA RAID
