Joan den astekoa ez da lehenengo aldia epaileak hainbat lekukori testigantza hartzen diena; uztailaren 29an, salaketa aurkeztu duen gaztea eta ustezko erasotzailea egon ziren magistratuaren aurrean. Hurrengo asteetan, mutilaren gurasoek emango dute lekukotza. Hainbat iturriren arabera, egun berean, honako hauek ere aurkeztu beharko dira epaitegian: ikasle-ohiari eskola eman zioten irakasle bi eta Imanol Goyarrola Gazteluetako egungo zuzendaria (ustezko gertaeren unean zuzendariordea eta mutilaren irakaslea zen). Azken deklarazio horiek akusatuaren abokatuak eskatu ditu.
Gaztelueta auziko testigantza-emateak aurrera doaz Getxoko epaitegian
Leioako Gaztelueta ikastetxeko ikasle-ohi batek jarritako "sexu-abusu" salaketa aurrera doa Getxoko Justizia Jauregian, eskolak eman zizkion irakasle baten kontra. Mutilak 12 urte zituenean izan omen ziren gertaerak. Gaur egun, 19 urte dauzka. Hala, epaileak lekukotza hartu zien noizbait gaztea artatu duten lau medikuri, ustezko delituak jazo ziren urteetan (2008 eta 2011 urteen artean) Gazteluetako zuzendaria zenari eta ikasle berak sufritu zuen bullying auzia ikertu zuen Hezkuntza Saileko inspektoreari. Deklarazioak joan den barikuan izan ziren, urriaren 30ean, ikasle-ohiaren abokatuak eskatuta.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun