Gazteluetako auzian esku hartzeko eskatu diote Jaurlaritzari

Abusuak salatu dituen gaztearen gurasoek bere jarrera argitu dezala eskatu diote Opus Deiri; izan ere, haren menpekoa da Gaztelueta ikastetxea.

Haron (Errioxa, Espania) egin du agerraldia abusuak salatu dituen gaztearen familiak. Gaztelueta ikastetxeko zuzendaritzak zigortutako irakaslearen auzian izandako jarrera salatu dute, eta Bizkaiko Lurralde Auzitegiaren epaia ez errespetatzea egotzi diete. "Jakin nahi genuke Gazteluetako buruak Opus Deiren babesa ote duen. Izan ere, ulertzen dugu datozen egunetan inolako komunikaturik kaleratzen ez badute harekin bat datozelako dela".

Familiak gogorarazi du epaiak aho batez frogatutzat ematen duela abusuak gertatu zirela, eta ohartarazi du inork "arazorik badu" ikastetxeak eta ikastetxeko zuzendariak dutela. "[Imanol] Goyarrolak ikastetxea ordezkatzen du, eta, ikastetxeko irakasle bati 11 urteko kartzela zigorra jarri ostean, ongiaren eta gaizkiaren gainetik jarri da, eta sustatu beharko lituzkeen balioak hondoratu ditu", gaitzetsi du familiak.

Horiek hala, auzian esku hartzeko eskatu diote Jaurlaritzari, eta bertan behera uzteko ikastetxeak itunpekoa izateagatik jaso ditzakeen laguntzak. "Gazteluetak muga guztiak gainditu ditu, ez bakarrik biktimari eraso eginez, baita pederasta bat defendatuz ere, aurrez Txile, Irlanda, Australia, Polonia eta AEBetako Elizan gertatu bezala".

Abusuak salatu dituen gaztearen gurasoek ez dute baztertzen ikastetxea auzitara eramatea, ikastetxeko zuzendaritzak egindako adierazpenak direla eta. "Gazteluetak erakutsi du ez duela justizian sinesten, ez egian, eta, are gutxiago, askatasunean".

Albiste hau Berriak argitaratu du eta Creative Commons lizentziari esker ekarri dugu HIRUKAra.

Erlazionatuak

Gazteluetari Eusko Jaurlaritzaren diru-laguntza kentzea eskatu du EH Bilduk

Leioa

Oihana Etxebarrietak hala proposatu du Eusko Legebiltzarrean, eta ganbarak Gazteluetako zuzendariaren adierazpenak gaitzestea ere bai, iraingarriak...
Abusuak salatu dituen gaztearen gurasoek ez dute baztertzen Gaztelueta salatzea

Leioa

Semearen aurkako "etengabeko erasoak" egotzi dizkio Juan Cuatrecasasek ikastetxeari eta gogor gaitzetsi ditu bertako zuzendari Imanol Goyarrolak eg...
Ikastetxeko zuzendariak epaia gaitzetsi eta ikasle ohiaren lekukotza auzitan ipini du

Leioa

Leioako (Bizkaia) Gazteluetako zuzendari Imanol Goyarrolak haserrea agertu du goizean ikastetxean bertan egin duen agerraldian. Tonuan eta aurpeg...
Sexu-abusuengatik zigortutako Gazteluetako irakasle ohiak aske segituko du epaia eman artean

Leioa

Adin txikiko ikasle bati sexu-abusuak egiteagatik espetxe-zigorra ezarri zion irakasle ohiari Bizkaiko Probintzia Auzitegiak. Eguaztenean jakinaraz...